Economies de montanha

Organizat per Euromontana, era Generalitat de Catalunya e eth Centre de Recerca Ecològica i Aplicacions Forestals (CREAF), aguest congrès se basarà ena vision 2050 entàs zònes de montanha que s’articulèc pendent er anterior Congrès Europèu dera Montanha, celebrat en Calàbria er an 2022, e meterà era amira en estudiar coma hèr qu’es economies de montanha siguen mès sostenibles, resilientes e prospères.

Es economies de montanha se basen en sectors que son eth motor d’aguestes zònes, proporcionen ocupacion as comunitats locaus e servicis ecosistemics essenciaus entara societat en generau, e soent s’intègren en identitats e valors territoriaus.

Ath madeish temps, totun, hèn tèsta a ua seria d’escomeses economiques, sociaus e environamentaus, agravades pes limitacions geografiques caracteristiques d’aguestes zònes. Eth XIII Congrès Europèu de Montanha serà ua escadença entà explorar e identificar solucions e camins entà despassar quauques ues d’aguestes escomeses.