Inscripcion
Inscripcion
Se te platz, emplega eth formulari que trobaràs a bèth seguit entà inscriuer-te en Congrès. Pendent eth procès, te demanaram que selecciones era visita de camp e es sessions as que vòs assistir, assegura-te donques d’auer plan liejut eth programa d’eveniments abans d’entrar-i. En cas de dobte, pòdes consultar er apartat de qüestions freqüentes (FAQ) que figure mès enjós.
Era inscripcion ja s’a barrat.
Quòta per auança
Quòta clàssica
FAQ
Guaire de temps demoraràn dubèrtes es inscripcions?
Es inscripcions demoraràn dubèrtes enquia començaments d’octobre (subjèctes a disponibilitat; es organizadors se resèrven eth dret de barrar es inscripcions abans d’aguesta data).
Ei obligatòri préner part enes visites de camp?
Era assisténcia as visites de camp deth dia 15 d’octobre non ei obligatòria. Pòdes vier dirèctament ath Congrès, mès te demanam que se te platz indiques en formulari se preneràs part o non enes visites de camp. Tanben t’arregraïram qu’ara ora d’inscriuer-te selecciones ben era visita ara que vòs assistir, compde tengut que non podem garentir que sigue possible cambiar-la posteriorament. Atencion: s’ès membre d’Euromontana o NEMOR, tec au escuélher era visita ara Cerdanha (09.00-15.00 h), qu’a en prevision eth retorn tà Puigcerdà a temps entàs assemblades generaus d’Euromontana e NEMOR que se debanaràn ena vrespada deth 15 d’octobre.
Qué includís era quòta d’inscripcion?
Era quòta d’inscripcion en Congrès corbís part des despenes logistiques der eveniment, coma ei era interpretacion, es visites de camp e es arrepèishi indicadi especificament en programa. Non corbís despenes de desplaçament ne de lotjament.
Com pogui pagar era quòta d’inscripcion?
Pòdes pagar era quòta d’inscripcion mejançant carta de crèdit ara fin deth procès d’inscripcion, o ben sollicitar eth pagament per transferiment bancari. En aguest cas, te manaram ua factura damb eth numèro de referéncia deth transferiment bancari entà per’mor que pogues hèr eth pagament.
Non è recebut era factura entà poder hèr eth pagament, damb qui me cau meter-me en contacte?
Se non as recebut era factura entath pagament dera inscripcion, se te platz revisa eth tòn dorsièr d’spam. Se non i as recebut arren, met-te en contacte damb euromontana2024@manners.es.
Non è recebut eth messatge de confirmacion dera inscripcion, damb qui me cau meter-me en contacte?
Se non as recebut eth messatge automatic de confirmacion dera inscripcion, se te platz revisa eth tòn dorsièr d’spam. Tanben pòdes revisar er estat dera tua inscripcion e es sessions qu’as escuelhut en tot emplegar era adreça de corrèu electronic e eth senhau qu’ages utilizat entà inscriuer-te. Se totun as problèmes, met-te en contacte damb euromontana2024@manners.es.
Com pogui organizar eth mèn viatge ath Congrès?
Puigcerdà ei plaçat en còr des Pirenèus catalans. S’i pòt arribar facilament tant de França estant coma de Barcelona estant. Trobaràs toti es detalhs a prepaus des diferenti mejans de transpòrt que pòdes emplegar entà arribar-i en apartat deth web «Informacion practica». Tanben i poderàs trobar recomanacions d’otèls entath lotjament.
Quin ei eth public objectiu deth Congrès?
Eth Congrès Europèu dera Montanha ei un gran eveniment qu’a per tòca que parts interessades ena montanha de tota Euròpa poguen hèr hilat. Eth Congrès atrè centenats d’expèrts e parts interessades de diferenti sectors de pertot d’Euròpa, e i son benvengudi stakeholders de montanha de tota sòrta. Entre de d’autes participaires, i assistissen representants d’administracions locaus, regionaus, nacionaus e europèes, organizacions mieiambientaus e de pagesi e neurissaires, agéncies de desvolopament regionau, universitats e centres d’investigacion o grops d’accion locau.
Entà quinasevolha informacion, contactatz damb info@euromontana.org